Повелба за ОДГ/ОЧП

Повелба за образование за демократско граѓанство и образование за човекови права на Советот на Европа

Образованието има клучна улога во промовирање на основните вредности на Советот на Европа: демократија, човекови права и владеење на правото, како и спречување на прекршувањата на човекови права.

Поопшто, образованието сè повеќе се гледа како одбрана од зголемувањето на насилство, расизам, екстремизам, ксенофобија, дискриминација и нетолеранција.

Оваа зголемена свесност се одразува преку усвојувањето на Повелбата за образование за демократско граѓанство и образование за човекови права на Советот на Европа, од страна на 47 држави – членки на организацијата, во рамката на препораки CM/Rec(2010)7.

Повелбата е важна појдовна точка за сите кои се занимаваат со образованието за граѓанство и човекови права. Се надеваме дека таа ќе биде во фокусот на земјите-членки и ќе биде катализатор за делување. Исто така, повелбата е начин на ширење на добра пракса и подобрување на стандардите во Европа и надвор.