Картички со детските права
Home » Картички со детските права
.
Илустрирани детски права (Картички со детските права)
На почетокот, детските права најпрво беа правен инструмент. Но, во контекст на училиштата,се разбира дека секој член треба да се разбере и толкува од перспектива на целната група. Картичките со детски права помагаат да се постигне целта на развој на знаење и примена на овие права. Картичките можат да се користат на различен начин. Еве некои примери:
- Илустрацијата и текстот може да се исечат, превиткаат и залепат, за да се направат двострани картички. На овој начин може да се направат и флеш-картички (flashcard). Учениците можат да се тестираат себеси или меѓусебно.
- Илустрациите и текстот може да се исечат за да се направи картички за меморија. На овој начин, учениците можат да ги учат детските права и да се забавуваат преку играње игра.
- Илустрациите може да се исечат и наредат според различни критериуми:
– Да се групираат во четири критериуми (учество – право на учество, исполнување на нашиот потенцијал – право на личен развој, добро живеење – право на преживување, заштита од зло – право на заштита).
– Да се групираат во категории на лични вредности: Што е важно во мојот живот? Кои прашања се релевантни за мојата земја, заедница, училиште?
– Да се собираат илустрации и други исечоци од списанија, статии и сл. за да се илустрираат слични тематики.
– Учениците можат да добијат инспирација од овие илустрации и да нацртаат свои илустрации за детските права. - Да бидат зголемени и обоени од учениците ( а подоцна можеби и врамени). Тие можат да се користат за декорација на училници и ходници.
- Да бидат комбинирани со краток опис на лични искуства, а потоа да се направат мали брошури.
