დასაწყისში თუ დასასრულს: ჩემი პირადი განათლება

მოცემული აქტივობა შესაძლებელია გამოყენებული იქნეს როგორც პირველი აქტივობა რომელიც წინ უძღვის ამ რესურსში მოცემულ ყველა აქტივობას, ან როგორც დასკვნითი აქტივობა. ერთადერთი, რაც ამ შემთხვევაში იცვლება არის ის, რომ შეჯამებას ექნება ან ქმედებათა სერიის დაწყების ფორმა ან დასკვნის ფორმა.

• დაურიგეთ სამუშაო ფურცლის ასლები ყველა მასწავლებელს.
• მიეცით მათ რამდენიმე დღე, რათა იმუშაონ დამოუკიდებლად და სათანადო ინფორმაციით შეავსონ სამუშაო ფურცელი, და დათქვით შემაჯამებელი შეხვედრის თარიღი და დრო.
• შეთანხმებულ თარიღსა და დროზე, მასწავლებლები იკრიბებიან და ერთმანეთს უზიარებენ თავიან მოსაზრებებს და მსჯელობენ მათზე. მასწავლებლებს შეუძლიათ თავიდან იმუშაონ ჯგუფებში და შემდეგ მოაწყონ ერთობლივი განხილვა, ან პირდაპირ ერთობლივ განხილვას შეუდგნენ, რომლის დროსაც ისინი შემდეგ საკითხებზე მსჯელობენ:
  • სწავლისა და პროფესიული მომზადების საჭიროებები, მაგალითად, პედაგოგიური გამოცდილება, სწავლების მეთოდები, სწავლის პროცესების სიღრმისეული შესწავლა
  • მასწავლებლების მიერ გამოყენებული გაიდლაინების ერთმანეთთან შედარება და განხილვა
  • ყოველდღიური სამუშაოს შესრულებისას სტრესის შესამცირებელი და ეფექტიანობის გასაუმჯობესებელი ზომები
  • სწავლისა და სწავლების მნიშვნელობაზე და სასკოლო ცხოვრებასთან დაკავშირებულ საკითხებზე მსჯელობა.

კონტექსტის მიხედვით, აღნიშნული აქტივობა ემსახურება სამომავლო მოქმედებებისათვის გეგმების დასახვას, იმ მასალების გათვალისწინებით, რომლებიც წინამდებარე რესურსშია მოცემული, ან იმ ქმედებებისა და ღონისძიებების შეფასებას, რომლებიც უკვე გატარდა და ახალი ნაბიჯების დაგეგმვას.

სამუშაო ფურცელი (ცხოვრება დემოკრატიულ საზოგადოებაში, ტომი I, განათლება დემოკრატიისათვის, გვ. 60)

http://living-democracy.com/ge/textbooks/volume-1/part-2/unit-1/chapter-2/lesson-2-2/

როგორ გამოვიყენოთ ჩვენი პროფესიული უნარები და ცოდნა