Në fillim apo në fund: Historia ime personale e edukimit

Living Democracy » Principals » TË NXËNIT » Veprimi » Në fillim apo në fund: Historia ime personale e edukimit

Ky aktivitet mund të funksionojë si aktiviteti i parë i gjithë serisë së paraqitur këtu, ose si përmbyllës, në fund të serisë. E vetmja gjë që ndryshon është diskutimi fillestar ose përmbyllës i veprimit.

Objektivat e të nxënit	Të identifikojnë lidhjet personale, pajtimet dhe kundërshtimet lidhur me edukimin
Detyrat	Mësuesit shqyrtojnë, identifikojnë dhe diskutojnë se si kanë mësuar gjatë gjithë jetës së tyre, çfarë vazhdojnë të mësojnë, cilat janë interesat e tyre dhe shkathtësitë e tyre të veçanta, etj.
Burimet	Fleta e punës prej Demokracia në veprim, Vëll. I, faqe 58
Metodat	Punë individuale, diskutim plenar

Shpërndani nga një kopje të fletës së punës tek çdo mësues.
Jepni një afat kohor prej disa ditësh për mësuesit që të punojnë me të në mënyrë individuale dhe caktoni një datë për diskutim të përgjithshëm.
Në datën dhe kohën e caktuar, mësuesit takohen për të ndarë dhe diskutuar gjetjet e tyre. Ata ose mund të punojnë së pari në grupe dhe pastaj të takohen në sesion plenar, ose të fillojnë t’i diskutojnë gjetjet e tyre në sesion plenar. Pikat e mëposhtme mund të ngrihen:
- Nevojat për mësim dhe trajnim, p.sh. ekspertiza akademike, metodat e mësimdhënies, të kuptuarit e proceseve të të nxënit, etj;
- Krahasimi dhe diskutimi i udhëzimeve të mësimdhënies në të cilat mësuesit mbështeten;
- Masat për të zvogëluar stresin dhe për të përmirësuar efikasitetin në punën e përditshme;
- Diskutimi i rëndësisë së të nxënit dhe mësimdhënies dhe lidhja me jetën e shkollës si një tërësi.

Në varësi të kontekstit, ky sesion shërben për të planifikuar veprimet e mëtejshme, duke u bazuar në përmbajtjen në këtë material, ose për të vlerësuar veprimet e ndërmarra deri më tani, dhe duke marrë në konsideratë hapat e mëtejshëm.

Fleta e punës

(prej Demokracia në veprim, Vëll. I, Edukimi për demokraci, fq. 58)
http://living-democracy.com/sq/textbooks/volume-1/part-2/unit-1/chapter-2/lesson-2-2/

Si t’i marr parasysh aftësitë dhe njohuritë e mia të mësimdhënies

Çfarë përvoje, njohurish dhe aftësish të përgjithshme kam unë?

Në çfarë mase kanë nevojë të plotësohen njohuritë e mia, duke iu referuar çështjeve të përmbajtjes së lëndës, objektivave, metodave të përshtatshme të mësimdhënies dhe proceseve të të mësuarit?

Në cilat fusha dëshiroj të edukohem më tej (të njohurive të përgjithshme, metodave të mësimdhënies, aftësive profesionale, cilësive personale, rutinës, etj.)?

Cilin koncept i natyrës njerëzore shërben si udhëzuesi im i përgjithshëm?

Cili është kuadri teorik ose një variant i thjeshtuar i një teorie që udhëheq punën time si mësues?

Si mund ta përshkruaj dhe klasifikoj marrëdhënien time me nxënësit?

Cilët janë kufijtë e mi në lidhje me orët e punës, stresin, etj.? Si e shfrytëzoj unë kapacitetin tim personal të punës?

Si ta pakësoj ngarkesën time të punës përmes një planifikimi më të mirë të punës dhe të veprimtarive të tjera?

Si e përdor me efektshmëri kohën dhe si merrem me shkaktarët e stresit tim?