SHKOLLA AKTIVE

Mirëqenia është e drejtë themelore e njeriut. Zhvillimi i shëndetshëm kognitiv, emocional, i sjelljes, fizik dhe social i individit është objektiv kryesor i Organizatës Botërore të Shëndësisë (OBSh). Pasi një vend ta ketë ratifikuar Konventën Evropiane për të Drejtat e Njeriut (KEDNJ), https://www.coe.int/en/web/conventions/full-list/-/conventions/treaty/005
dhe Konventën e Kombeve të Bashkuara për të Drejtat e Fëmijës (KDF), https://www.ohchr.org/EN/ProfessionalInterest/Pages/CRC.aspx, të gjithë mësuesit dhe veçanërisht ju si drejtor shkolle duhet të jeni të vetëdijshëm për implikimet e këtyre dy konventave. Një qasje e bazuar në të drejtat e njeriut për shkollimin përfshin mundësinë që të mësohen dhe të praktikohen vlerat e të drejtave të njeriut në mjedisin shkollor. Një nga këto të drejta themelore është e drejta për të pasur trup të shëndetshëm. Së bashku me stafin tuaj, ju vendosni nëse nxënësit në shkollën tuaj do të marrin njohuritë, aftësitë, përkrahjen sociale dhe inkurajimin e duhur në mjedisin e tyre shkollor për të përvetësuar modele të sjelljes afatgjate drejt përmirësimit të shëndetit. Dy fusha kryesore përfshihen këtu, që janë të lidhura ngushtë me njëra-tjetrën – aktiviteti fizik (shiko më poshtë) dhe nutricioni.