ГЛАВА 5: ПРАВИЛА И ЗАКОН – Основи на заедничко живеење

Глава 5: Основен концепт- “Правила и закони” (за основно ниво)

Основни информации за наставниците: договор за поставување на демократски принципи- нашите нови училишни правила

Во последните години, се води дискусија во врска со демократските принципи. Според денешните сфаќања, што е демократија? Дали постојат добри и лоши демократии? Дали е доволно ако една држава има демократско уредување? Многу групи и партии се нарекуваат демократски и го вклучуваат зборот “демократија” во своето име. Што покажува тоа? Што им значи тоа на членовите на тие групи?

Во принцип, јасно е дека демократијата не може да биде наметната. Демократијата бара постоење на правна рамка, устав и различни видови на договори за да може да функционира. Таа ќе биде ефективна само ако се почувствува потреба граѓаните учествуваат во своето општество. Учествувањето може да биде на најразличен начин и во различни сфери; исто така тоа се прави различно во различни држави. Во принцип, демократијата значи дека луѓето треба да ги создаваат правилата според кои сакаат да живеат. Во идеална средина, во тие процеси учествуваат  колку што е можно повеќе луѓе. Што сакаме да регулираме? Кој треба да се придржува до овие правила? Зошто ни е потребно ова или она правило? Како ќе се однесуваме кон непочитувањето на правилата и законите?

Во оваа глава, учениците не само што учат за најважните принципи на демократијата, туку исто така им се дава практично искуство во демократијата. Искуството покажува дека учениците стануваат повеќе свесни и повеќе одговорни ако се интегрирани во процесот на донесување на одлуки. Група на луѓе кои живеат заедно и кои поминуваат време заедно создаваат правила кои го регулираат заедничкото живеење. Децата и адолесцентите најголем дел од времето заедно го поминуваат во училиште. Во оваа глава станува јасно дека училиштето е место каде луѓе со различни потреби “живеат” и учат заедно, и дека ова заедничко живеење мора да биде на некој начин регулирано. Конфликтите – кои се сосема нормални – мора да бидат разрешени и интересите на малцинствата мора да бидат застапени.

Демократијата најчесто се поистоветува со идејата каде секој може да прави што сака. Поединците се залагаат за своите права затоа што тоа е нивниот концепт за слобода. Таков вид на концепт не се совпаѓа со принципот на демократија. Демократијата се базира на идејата дека правилата и законите се направени со помош на процесите на вклученост, кои се транспарентни за секој. Овие правила и закони исто така можат да бидат променети. Овие принцпи се тема на следната глава.

Целта на образованието за демократско општество и човекови права е да го поддржи развојот на компетенциите во овие подрачја. Оваа глава го има следниот компетенциски профил:

Глава 5: Закони и правила

Основата на заедничкото живеење

Договор за основите на демократските принципи- нашите нови училишни правила