Час/Лекција 3: Јас сум дома во Европа (правење физички мапи II)

Реки, планини и релјефни форми во Европа

Опис на часот

Откако ќе ги обележат границите на земјите и нивните главни градови, како и нивните знамиња,  учениците продолжуваат да работат на поставување на реките и релјефните форми. Тоа значи дека сите ученици нема да бидат ангажирани, бидејќи не сите земји во Европа имаат големи реки и релјефни форми. Наставникот може да ги распредели овие ученици во нови групи или пак учениците кои веќе завршиле со својата земја може да ги распредели во друга група.

Учениците може да користат различни материјали како текстил, хартија, итн., за да ги обележат формите и другите релјефни форми.

Учениците може исто така да додадат и други елементи на физичката мапа, но тоа треба да е по своја волја. Учениците треба да се решат дали ќе го направат тоа или не; исто така тоа зависи од информациите кои тие ги нашле кога истражувале за земјата за која требало да истражуваат (на пример, за храна, славни личности, итн.).

Кога физичката мапа е готова, истата треба да се слика. Најдобро би било кога би се направиле две фотографии од неа – една во која учениците ”стојат” во своите земји и една без учениците, за да може јасно да се видат сите реки, планини и релјефни форми.