Час/Лекција 2: Човекови права: што претпочитаат тие?

Опис на часот

На почетокот на часот, наставникот треба да ги сумира резултатите од претходниот час. Наставникот треба да направи поврзаност помеѓу потребите и човековите права и да направи кратка презентација за историјата на човековите права (видете го работниот материјал со наслов “Човекови права: листа за споредување права и потреби”). Излагањето на наставникот не треба да трае повеќе од 10 минути.

Учениците добиваат задача да ги поврзат нивните лични потреби (кои ги имаат дефинирано) со човековите права прикажани на поедноставената листа на човекови права (работен материјал). Треба да работат во истите групи како и претходниот час и треба да ги имаат предвид следните прашања: кои човекови права се важни за нив, па макар и тоа да е несвесно? Дали може да ја разберат врската помеѓу права и потреби? Дали може да се сетат на примери од секојдневниот живот кои можат да го поврзат со одредени права? Работниот материјал може да помогне за ова. Наставникот треба да одлучи дали ќе работи со поедноставената верзија на Универзалната декларација на човекови права или со оригиналниот документ (достапен на www.un.org/en/documents/udhr/). Со користење на поедноставената верзија, ученикот треба веднаш да разбере дека човековите права се развиле врз основа на секојдневните потреби.

Примерок од работниот материјал:

Учениците треба да се обидат ги ископираат нивните листи на потреби со онаа од претходниот час на работниот материјал. Ова нема да биде лесно, бидејќи зборовите за потребите и правата нема да се исти. Ова може да стимулира дискусија и да поттикне одлуки кои не се секогаш јасни. Ова е намерно.

Како втор чекор, групите кои имаат завршено треба да ги споредуваат своите листи со оригиналната декларација на човекови права.

На крајот на овој час, една листа од целиот класот треба да биде завршена. Ова значи дека листите од групата треба да бидат копирани на една поголема листа, која ќе биде презентирана пред сите. Ако има компјутери, учениците може да направат електронска листа, со користење на работниот материјал како шема. Оваа задача треба да биде дадена на помали групи на ученици кои ова можат да го направат за домашна задача. Ако е потребно, наставникот може да ја направи листата.