მასალა მოსწავლეებისთვის 5.5: დასკვნა: რას გვასწავლის ეს თამაშები?

1. საზოგადოების განვითარება: პრობლემებისა და მათი გადაჭრის შედეგი

 2. დასკვნა

1. პოლიტიკა წარმოადგენს იმ პრობლემების მოსაგვარებლად გაწეულ ძალისხმევას, რომელიც ჩვენ საყოველთაო კეთილდღეობასა და გადარჩენას ეხება. ინსტიტუციები, როგორიცაა, წესების სისტემა, პრობლემის მოგვარების საშუალებებს წარმოადგენენ. თუ ისინი იმ მიზანს არ ემსახურება, რისთვისაც შეიქმნა, შეიძლება, და აუცილებელია, რომ შეიცვალოს.
2. კონფლიქტი სოციალური და პოლიტიკური ცხოვრების განუყოფელი ნაწილია. ვინაიდან შეუძლებელია კონფლიქტის სრულებით აღმოფხვრა, შეგვიძლია ვაკონტროლოთ მისი გამანადგურებელი პოტენციალი.
3. როგორც თევზაობის თამაშის, ასევე გადაწყვეტილების მიღების თამაშის სტრუქტურა შეიძლება განვიხილოთ როგორც მოდელი. ისინი ზედმიწევნით კარგად აღწერენ საზოგადოების, როგორც პრობლემათა და გადაწყვეტილებათა სისტემის ჩამოყალიბების ისტორიულ რეალობას.
4. ამ თამაშებსა და რეალობას შორის ორი მნიშვნელოვანი განსხვავება არსებობს. პირველი, რეალურ გარემოში, ჩვენ არ ვფლობთ ისეთ ზუსტ მონაცემებს ჩვენს განკარგულებაში არსებული ბუნებრივი რესურსების შესახებ, როგორც ეს თამაშშია მოცემული. მეორე, დემოკრატიული საზოგადოებები დემოკრატიული ფესვებიდან არ აღმოცენებულა. დემოკრატიისა და ადამიანის უფლებათა ჩამოყალიბება კონფერენციების საშუალებით კი არ ხორციელდება, არამედ კონფლიქტების.