ინსტრუმენტი 2: თანამშრომლობაზე დაფუძნებული სწავლა

ამ ფორმის სწავლება არ გულისხმობს  მოსწავლეებისათვის გუნდური მუშაობის გარემოს შექმნას მხოლოდ იმ იმედით, რომ დავალება როგორღაც იყოს შესრულებული. თანამშრომლობაზე დაფუძნებული სწავლა გულისხმობს სწავლის პროცესს, რომელიც განეკუთვნება სოციალური განათლების სფეროს, ვინაიდან მასში არ არის გამოკვეთილი შემეცნებითი მიღწევები. თუმცა ტერმინი „თანამშრომლობაზე დაფუძნებული სწავლა“  კონცენტრირებულია მოსწავლეთა მიღწევებზე.

თანამშრომლობაზე დაფუძნებული სწავლების წარმატებით განხორციელების წინაპირობას წარმოადგენს ჯგუფის წევრებს შორის ფუნქციების გარკვევით გადანაწილება. ამგვარად, ჯგუფის წევრებს შორის თანაბრობის პრინციპით გადანაწილდება ფორმალური მოვალეობებიც და პასუხისმგებლობაც ამ მოვალეობების შესრულებაზე, რაც წარმატებული სწავლის საწინდარია. თუმცა უნდა აღინიშნოს, რომ ამგვარი ფორმით სწავლებისას ყველა ტიპის ამოცანა არ გამოგვადგება და, აქედან გამომდინარე, არ ხდება თანამშრომლობაზე დაფუძნებული სწავლისა და მასწავლებელზე ორიენტირებული სწავლის ფორმების პოლარიზება. სწავლების ამ მოდელის თანახმად, მასწავლებელი გარკვეულ და მნიშვნელოვან როლს ასრულებს სწავლის პროცესში. თანამშრომლობაზე დაფუძნებული სწავლის წარმატება, როგორც ეს გამოცდილებამ აჩვენა, დამოკიდებულია ძირითად ელემენტებზე. რეკომენდებულია ქვემოთ მოყვანილი პროცედურების გამოყენება, რომლებიც გამოცდილ იქნა პრაქტიკაში, ბევრი მასწავლებლის მიერ:

მასწავლებლები, რომლებიც ხშირად მიმართავენ  მოსწავლეთა ჯგუფური მუშაობის მეთოდს, ამბობენ, რომ ხშირად საჭიროა ჯგუფური მუშაობის დროს აღებული ფუნქციები მოსწავლეებმა უფრო ინტენსიურად შეასრულონ, რაც ხელს უწყობს უსაფრთხო გარემოს შენარჩუნებას, სწავლის პროცესის დაჩქარებასა და ჯგუფის მიერ შესრულებული სამუშაოს გაუმჯობესებას.