2 – სამუშაო ფურცელი 1: სწავლის პროცესის სამი ეტაპი

Living Democracy » Textbooks » 2 – სამუშაო ფურცელი 1: სწავლის პროცესის სამი ეტაპი

სწავლის ნებისმიერ პროცესში შეგვიძლია განვასხვაოთ სამი, ერთმანეთთან მჭიდროდ დაკავშირებული ეტაპი, რომელიც ერთმანეთს ავსებს.

 ინფორმაციის ათვისება

ათვისება

დაკვირვება, მხედველობით აღქმა, ყნოსვის ორგანოთი შეგრძნება, შეხება, გემოს გასინჯვა, სმენის ორგანოთი აღქმა, შეგრძნება, შეცნობა, შეხვედრა, მიახლოება, გამოცდა, აწონ-დაწონვა

შეკითხვები მოსწავლეების მიერ ინფორმაციის ათვისებასთან დაკავშირებით

ცოდნა, რომელსაც უკვე ფლობენ მოსწავლეები

როგორ შეიძლება მოსწავლეებმა გაააქტიურონ ის ცოდნა, რომელსაც უკვე ფლობენ?

კითხვების დასმა

შეუძლიათ მოსწავლეებს თავი გაართვან ამოცანას, კითხვების დასმის საშუალებით?

შეგრძნებები და აღქმა

შეუძლიათ მოსწავლეებს გამოიყენონ საკუთარი შეგრძნებებისა და აღქმის ორგანოები მათთვის მიწოდებული ახალი ინფორმაციის ათვისებაში?

მოსწავლეები სწავლობენ მხედველობის ორგანოს გამოყენებით, დაკვირვებით, აღქმით, სმენის ორგანოს გამოყენებით, მოსმენით, შეგრძნებით და ემოციებით, შეხებით, გასინჯვით, ყნოსვის ორგანოს გამოყენებით და ა.შ.?

ილუსტრირება (თემის შევსება თვალსაჩინოებებით)

გამოყენებულია ილუსტრაციები, მოდელები ან რეპროდუქციები?

ინფორმაციის დამუშავება და შენახვა

დამუშავება და შენახვა

გამოკვლევა, პრობლემების გადაჭრა, გაცნობიერება, არსში ჩაწვდომა, ათვისება, დასწავლა, დამახსოვრება, გამეორება, ჩვევაში გადაზრდა

 

კითხვები ინფორმაციის დამუშავებისა და შენახვის შესახებ

სტრუქტურა

შინაარსი აწყობილია თუ არა ისე, რომ სწავლის წინა ეტაპები ხელს უწყობს შემდგომ ეტაპებს?

დაკავშირება

შეუძლიათ თუ არა მოსწავლეებს, ახალი ინფორმაცია დაუკავშირონ იმ ცოდნას, რომელსაც უკვე ფლობენ?

მოსწრების დონე

ამოცანა შესაფერისია ცალ-ცალკე ინდივიდუალური მოსწავლისათვის – როგორც ვაჟებისათვის, ასევე, გოგონებისათვის – არის თუ არა საპასუხისმგებლო და დაკავშირებულია თუ არა იგი გარკვეული სირთულის დაძლევასთან, მაგრამ, ამავე დროს, არის მოსწავლეებისათვის გასაგები?

არსში ჩაწვდომა და გაგება

მოსწავლეებისათვის მიცემული დავალება და სწავლის გარემო ხელს უწყობს იმ ცოდნის გაღრმავებას, რომელიც მათ შეიძინეს?

ჩანაწერები

აწარმოებენ მოსწავლეები საკუთარი შედეგების შესახებ ჩანაწერებს (მოხსენება, პოსტერი, შენიშვნები, ნახატები, დიაგრამები, ესკიზები და ა.შ.)?

პრაქტიკა

ეძლევათ თუ არა მოსწავლეებს შესაძლებლობა და საშუალება, ახლად შეძენილი ცოდნა და უნარები პრაქტიკულად გამოიყენონ სხვადასხვა კონტექსტში?

ინტენსივობა

ეძლევათ თუ არა მოსწავლეებს საკმარისი დრო და შესაძლებლობა, რათა სრულყოფილად აითვისონ და დაამუშაონ ახალი ინფორმაცია და ამგვარად შეიძინონ გამოცდილება?

საკმარის დროს ვუთმობთ თუ არა შესწავლის საგანს, რათა მოსწავლეებმა მოახერხონ მისი სიღრმისეული შესწავლა?

ინფორმაციის გამოყენება

გამოყენება

გამოყენება, მოქნილი მიდგომა, გამოცდა, ახალ ამოცანებთან მისადაგება, თავდაჯერებულობა, ხელმისაწვდომობა, მოქმედება

 

სწავლა ყოველთვის უნდა მოიცავდეს შეძენილი ცოდნისა და უნარების გამოყენების შესაძლებლობებს – რათა ადგილი არ ჰქონდეს მსგავს შეფასებებს, როგორიცაა, „ვისწავლეთ, მაგრამ უკვე დაგვავიწყდა“ ან „ვიცით, მაგრამ არ გვესმის“, „გუშინ ვისწავლეთ, დღეს აღარ გვახსოვს“, ან „ვისწავლეთ, მაგრამ არ გამოგვიყენებია“.

კითხვები ინფორმაციის გამოყენების შესახებ

გამოყენებადობა

აცნობიერებენ თუ არა მოსწავლეები მათ მიერ შესწავლილი მასალის მნიშვნელობას?

პროდუქტიულობის გამოცდილება (მოტივაცია)

ჰქონდათ მოსწავლეებს საშუალება, საკუთარი გამოცდილებით დაედგინათ კავშირი მათ მიერ გაწეულ ძალისხმევასა და მიღწეულ პროგრესს შორის, სწავლის თვალსაზრისით? აცნობიერებენ თუ არა მოსწავლეები, რომ ისინი თავად არიან პასუხისმგებელნი საკუთარი ცოდნის გაღრმავებაზე და უნარების განვითარებაზე, რაც იმას ნიშნავს, რომ, სწავლის მხრივ, მათი მიღწევები მათსავე ძალისხმევაზეა დამოკიდებული?

კონტროლი

მიმდინარეობს შედეგებისა და დასკვნების განხილვა და მათზე მსჯელობა?

სწავლის შემდეგ საფეხურზე გაგრძელება

სწავლის საფეხური, რომელიც მოსწავლეებმა დაასრულეს, აღვივებს თუ არა მათში ინტერესს და აძლევს თუ არა მათ სტიმულს, გააგრძელონ სწავლა შემდეგ საფეხურზე? არიან თუ არა მოსწავლეები ჩართულნი სწავლის პროცესში ემოციურად?

გამოყენება

ეძლევათ თუ არა მოსწავლეებს, როგორც ვაჟებს, ასევე, გოგონებს, შესაძლებლობის ფართო სპექტრი, რათა გამოიყენონ ის ცოდნა, რომელიც მათ შეიძინეს? იციან თუ არა მოსწავლეებმა, როგორ გამოიყენონ ის უნარები, რომლებიც სწავლის პროცესში შეიძინეს და არსებობს თუ არა ზღვარი, მათ ხელთ არსებული ცოდნისა და შეძენილი უნარების გამოყენების თვალსაზრისით?

2.2 ძირითადი კითხვები
2 - სამუშაო ფურცელი 2: რატომ არ არის საკმარისი მხოლოდ სწავლება, ანუ „სწავლება ≠ სწავლა“ და „სწავლა ≠ რეალურ ცხოვრებაში გამოყენება“
Print
Download